Julehandel

… er veldig kjekt, men veldig dyrt. Eg tør ikkje sjekke nettbanken i næraste framtid, i alle fall.

Eg har kjøpt julegåver til alle eg skal, bortsett frå to. Eg har også endeleg fått tak i vinterjakke og -skor. Har også kjøpt ein kjempesøt kjole til juleballet og verdens mjukaste ullgenser. Pluss eindel anna dilldall. Elsker å shoppe (dessverre?).

True Blood

Om du ikkje har sett alle episodane/er redd for at noko skal bli avslørt (sjølv om eg skal prøve å vere forsiktig), bør du kanskje vurdere om du vil lese dette innlegget eller ikkje.

ÅÅÅH! Kvifor måtte sesong 2 slutte så utruleg, ufatteleg spennande? Og no må eg vente heilt til neste år før det kjem nye episodar!

Kven kidnappa Bill? Og kven heier eg eigentleg på? Den slemme, onde Eric som eigentleg kanskje ikkje er så kald og ufølsom likevel, eller den snille, greie, trufaste Bill som gjer alt for Sookie?
Og Eric er jo den kjekkaste. Men Bill er … Bill. Og Bill og Sookie er jo ganske ment-to-be. Samtidig er det noko mystisk og fint ved Eric også som ein blir utruleg nysgjerrig på.

Den tilsynelatande kalde (men heite) Eric er kanskje ikkje den onde, blodtørste vampyren han virkar som på utsida? Inni meg håper eg det skjer noko mellom han og Sookie. Samtidig kjem eg til å bli skikkeleg forbanna om det faktisk skjer. Åh!

Men det er jo dette som er “ment-to-be”, er det ikkje? Bill er så snill og god og elskar Sookie over alt på jord. Ikkje like kjekk som Eric, men ikkje så ille han heller.

Heilt klart det mest spennande i serien. Eg må byrje å sjå fleire TV-seriar, dette var jo kjekt.

50/50?

Hilde: Det finst ingen bevis for at Gud fins. Det er høgst usannsynleg at ein gud fins. Derfor trur ikkje eg på Gud.
Random: Du kan ikkje bevise at han ikkje finst, heller!
Hilde: Nei, men det gjer ikkje sannsynlegheita for at han fins større. Berre fordi det ikkje fins bevis verken for eller mot noko betyr ikkje at det er 50% sjangse for at dette er sant.
Random: Jo.
Hilde: Nei. Du kan ikkje bevise at det spring usynlege alvar rundt i hagen din. Det betyr ikkje at det er 50% sjangse for at dei er der.
Random: Kva har alvar med Gud å gjere?
Hilde: Eg prøver å få fram eit poeng her!

Sukk.

Kva er greia med OnePiece?

Kva er greia med onepiece? Det er jo berre utruleg stygt! Forstår ikkje at nokon i det heile tatt kan vurdere å bruke så mykje pengar på noko så stygt. Æsj. Fysj. NEI, det er ikkje kult. Det er stygt, og formlaust. Du kjem til å sjå ut som ein stygg versjon av ein levande seigmann.

Not hot.

Ny header

Lagde ein ny header eg. Kva tykkjer de?

Her kommer vinter’n

Eg håper nrk byrjar å spele den snart. Ingenting får meg i betre stemning enn når nrk speler den songen.

Det er noko spesielt med vinteren. Når eg tenker på vinter ser eg først for meg plassen vinter har i kalenderen i hovudet mitt (skal leggje ut illustrasjon seinare),  deretter tenkjer eg snø, jul, kakao og ullpledd. Varme klede, ski-turar og ikkje minst ski på TV.

Og ingenting er som den første snøen. Kvit, glitrande snø. Og eit sikkert vinterteikn er når eg kjem på skulen og ropar ut i klassa: “Eg datt berre ein gong i dag!”. Om du ikkje veit det, så går skulevegen min ned ein liten sti ned ein skog, og dersom det snør, blir mildare og deretter frys igjen blir det livsfarleg glatt der! Eg er jo ikkje kjend for å vere den mest grasiøse personen rundt omkring heller, så det blir ein del fall. I tillegg er det jo gjerne heilt mørkt ute når eg går til skulen om morgonen. Alt dette saman er ein særs uheldig kombinasjon.

Hospitering på Stranda VGS

Eg befinn meg for tida på Stranda. Tiandeklasse har i dag vore på hospitering på Idrett. Ikkje at eg på nokon måte kunne vurdert å gå idrett, men ein måtte velje to,  så då tok eg liksågodt idrett saman med Øyvind og Øyvind M. Eg overlevde faktisk. Min største skrekk var om me måtte spele fotball eller nokon annan aktivitet som inneheld runde objekt, men heldigvis vart det ein slags turn i staden. Ikkje at eg er noko betre i turn, men der var det i alle fall andre som var nesten like dårlege s0m meg.

Hilde + idrett = katastrofe.  Eg kunne vore ein god langdistanseløpar, trur eg. Men gud så kjedeleg.

I morgon er det allmenn, eller studiespesialisering, som står for tur. Då skal Øyvind på slikt kretsmesterskap, men eg og ØM blir der. For meg er studiespesialisering heilt klart det mest ideelle, så det gler eg meg til å lære litt meir om.

Har tenkt litt på å bli arkitekt, eigentleg. Trur det må vere den perfekte blanding mellom teori, praksis og kreativitet for meg. Men då må eg ha gode karakterar, og realfag.

Eg er kjendis

For om du kjem i avisa er du kjendis, right?

Huff, nei eg trur ikkje eg kunne tenkje meg å vere kjendis, eigentleg. Det må vere utruleg travelt.

Men eg var i avisa idag då. I Storfjordsnytt (wow, fantastisk!). Det plar alltid vere slike stygge bilete av meg når eg er i avisa, men denne gongen var det faktisk ganske fint. Så det er eg fornøgd med. Alltid litt stas å kome i avisa då.

Eg driv forresten og skriv ein sjølvbiografi. Det er ei skuleoppgåve. Eg kan sitere den eldste broren min:
“Ekje du litt ung til å skrive sjølvbiografi?”
Jo, det føler eg også. Dette kjem til å bli ein dørgande kjedeleg stil. Ja, forresten så skreiv han dette også:
“… og det e best du stille me i et meget heldig lys.. ellers blir det tyn å få når e kjem heim “
HAH, tru det du Martin! Uansett kor godt lysanlegg eg har kjem det til å sjå ganske stygt ut dessverre. Det einaste Martin har gjort for meg i oppveksten var å ete opp laurdagsgodtet mitt. Det kamuflerer han no som at han tok vare på kosthaldet mitt.
Den yngste broren min lærte meg i alle fall å spele GTA San Andreas i ein alder av ti år.
Martin seier han “lærte de om livets harde realiteta ved å gi de skikkelig juling av og til. håpe du sett pris på det”.

Å skrive sjølvbiografi er litt kjendisaktig, er det ikkje?

Hmm

Eg hadde tenkt å leggje ut ein film eller to frå abbakonserten i helga, men eg og YouTube har aldri vore så veldig gode vener. Skal sjå kva eg får til.

Vekeplanen i hovudet mitt

Ser du for deg veka på ein spesiell måte? Året, kanskje? Eller klokka?

Slik er veka mi i hovudet mitt.

Ikkje heilt som di, kanskje? Er det ikkje rart korleis slike ting er så forskjelleg frå person til person? Eg undrar på om det seier noko om personen. Personlegheit og måte å tenkje på kanskje. Interessant.